 Félagið |
| Karate |
| Póstlisti |
|
Kihon eru undirstöðuæfingar karate: varnir, kýlingar, högg, stöður og spörk. Því má segja að þessar tæknir séu upphaf og endir alls í karate -- karateka (karateiðkandinn) lærir þær kannski á nokkrum mánuðum, en á hinn bóginn getur honum mistekist að ná fullu valdi á þeim þó svo að hafa lagt aldur og æfi í æfingar. Þess vegna krefjast undirstöðuæfingarnar reglulegrar æfingar þar sem beitt er eins mikilli einbeitningu og mögulegt er.
Samkvæmt fyrrum Sensei Masatoshi Nakayama þarf karateka að æfa kihon með eftirfarandi í huga:
Form
Jafnvægi og stöðugleiki er nauðsyn í undirstöðuæfingum. Spörk eru dæmi um tækni þar sem jafnvægi karateiðkandans skiptir höfuðmáli, því þar ber einn fótur uppi líkamann. Í karatetæknum er mikið um að þyngdarpunkturinn sé færður frá einum stað til annars, sem krefst mikils jafnvægis og stjórnar á líkamanum. Að auki þarf iðkandinn að hafa sterk liðamót, stöður og afstöðu til að geta veitt eða staðist hámarks högg svo dæmi séu tekin.
Hraði og kraftur
Karate má sín lítils án kime, hæfileikanum til að einbeita kraftinum í ákveðna árás eða vörn. Vöðvakraftur einn og sér nægir ekki til að ná árangri í karate. Ef karateiðkandinn lærir ekki að beita kröftum sínum rétt, þá getur hann ekki búist við því að ná langt fyrr en svo er komið. Karateiðkandi sem lærir að stjórna vöðvakrafti sínum má búast við að ná árangri í karate. Að auki þá er krafturinn beint tengdur hraða tækninnar. Hins vegar þá nýtist hraði tækninnar ekki án kime.
Kraftur - einbeiting og afslöppun
Karateiðkandi getur ekki framkallað hámarks kraft ef höggin byggjast eingöngu upp á vöðvunum í handleggnum, eða spörkin eingöngu á vöðvunum í fótleggnum. Stærsti hluti kraftsins kemur með því að samnýta kraftana úr öllum hlutum líkamans á skotmarkið. Þar að auki verður iðkandinn að framkalla kraft árangursríkt, með því að nota kraft þegar og þar sem þörf er á. Einungis er þörf á hámarkskrafti á því augnabliki sem snerting á sér stað. Fram að því verður iðkandinn að vera afslappaður og forðast að nota óþarfa kraft. Við það að spenna vitlausa hluta líkamans, eða spenna á vitlausum augnablikum, minnkar iðkandinn þann kraft sem nýtist í sjálfa vörnina, eða árásina. Meðan iðkandinn er afslappaður verður hann að vera á verði andlega.
Aukning vöðvakrafts
Það er ekki nóg að karateiðkandinn skilji grundvallaratriðin í kihon, heldur verður hann að virkja þau með sterkum og teygjanlegum vöðvum. Sterkir vöðvar krefjast stöðugrar og alvarlegrar æfingar. Karateiðkandinn verður líka að vita hvaða vöðva á að nota í tæknunum. Vel þjálfaðir vöðvar munu gefa af sér öflugt og árangursríkt karate.
Hrynjandi og tímasetning
Karate á sér ákveðinn hrynjanda sem karateiðkandinn þarf að læra að tileinka sér og skilja. Engin tækni er framkvæmd ein og sér; við að raða saman grunntæknum ætti karateiðkandinn að huga jafn vel að tímasetningu tæknanna eins og að tæknunum sjálfum. Hreyfingar karatemeistara innihalda ekki eingöngu mikinn kraft, heldur einnig hrynjanda, og á sinn hátt, fegurð. Skilningur á hrynjanda og tímasetningu mun auðvelda karateiðkandanum skilning á tæknunum og listinni í heild.
Mjaðmir
Í karate skipta mjaðmirnar sköpum, en því miður sitja þær oft á hakanum þegar karatetækni er framkvæmd. Með snúningi mjaðmanna þá flyst kraftur upp í efri hluta líkamans sem er nauðsynlegur til að framkvæma sterkar varnir og högg. Nálægð mjaðmanna við þyngdarpunkt líkamans gerir þær að undirstöðu sterkra og stöðugra hreyfinga, góðs jafnvægis og góðs form. Karateiðkandinn getur ekki hreyft sig mjúklega, hratt eða sterklega ef mjöðmunum er ekki beitt. Af þessum sökum segja þjálfararnir oft við nemendur sína "verðu með mjöðmunum", "kýldu með mjöðmunum", "sparkaðu með mjöðmunum".
Öndun
Karateiðkandinn þarf að samhæfa öndunina við tæknirnar. Öndunin eykur hæfileika iðkandans á að slaka á og einbeita fullum krafti í tæknir sínar. Rétt öndun, anda frá sér að fullu þegar árásin er kláruð til að ná hágmarks kime. Öndun karateiðkandans á ekki að vera jöfn heldur á hún að breytast í takt við aðstæðurnar. Rétt innöndun fyllir lungun af súrefni. Rétt útöndun tæmir um 80% úr lungunum. Ef iðkandinn andar að fullu frá sér þá er hætt við því líkaminn verði máttlaus og skilji því karateiðkandann eftir berskjaldaðan gagnvart árásum.
Heimildir:
Best Karate - Masatoshi Nakayama
Dynamic Karate - Masatoshi Nakayama
Þýðendur:
Ari Sverrisson og Gunnlaugur Sigurðsson
|
 Prenta |
| Hagnýtir tenglar |
| Dagatal |
| september |
| s |
m |
þ |
m |
f |
f |
l |
| |
1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | |
| Skrýtlur og leikir |
|
